Rêberê Gelan Abdullah Ocalan 25 sal beriya niha di 15’ê Sibata 1999’an de bi Komploya Navneteweyî radestî dewleta tirk a dagirker hate kirin. 3 sal in jî li ser Rêber Ocalan tecrîdek giran heye û tu agahî jê nayê girtin. Derbarê mijarê de nivîskar û pêşmergeyê Dêrînê Heval Kiwêstanî nerînê xwe anî ziman.
Heval Kiwêstanî da zanîn ku ji serdema împarator û dewletan ve Kurdistan hatiye dagirkirin, lê ev nayê wê wateyê ku gelê kurd vê yekê nizane û wiha pêde çû; “Ji ber ku kurdan her tim hebûna xwe parastin, ji dema borî ve jî hertim raperîn û têkoşiyan. Niha hebûna niştimanî li başûrê Kurdistanê kêmbûye, ev jî ji ber rêveberiya xirab a desthilata kurdî û sîstema dagirkeran ya derdorê ye. Hêzên dagirker vekirine ku hêzên kurdî nebin xwedî bernameyek niştimanî û xelk bi rêveberiya xwe kêfxweş nebin.”
Di dewama axaftina xwe de nivîskar Heval Kiwêstanî dibêje; “Dijmin dixwaze ezmûna baş xirab bikin û xelk xwezî li desthilata berê ya Iraqê bînin. Bandora dagirkeriyê li ser aliyên siyasî, aborî, çand, wêje û hunerê heye. Sedema dagirkeriya wêje û hunerê jî, ne hişyariya nivîskar û hunermendên kurd e.”
Dawiya axaftina xwe de jî Kiwêstanî got; “Ji ber ku ji fikirê Abdullah Ocalan ditirsiyan, wî bi komployek navnetewî girtin. Ji ber ku ditirsiyan ku wê fikirê Ocalan li hemû Kurdistanê belav bibe û yekitiya netewî ava bike. He rwiha dewleta tirk ditirsiya ku wê Ocalan xebata neteweyî ya kurdan pêşbêxe, lewma girtin.”
