Raperîne Amede qezaya Farqînî ya Amedî de 1969 de keyeyêkê welatperwerî de yena dinya. Serra 1977î de pîya bi keyeyê xo bar kena şina Anqara. Tîya mekteb wanena û bitaybetî seba ke nameyê ci Delal a nêzdîbîyayîşê vera kurdan vînena. Badê lîse rixmê waştişê keyeyê ci mektebanê tirkan de wendiş red kena û agêrena Amed. Tîya de Têgêrayîşê Azadîye yê Kurdistanî nêzdî ra nas kena û 1992 de tewrê sefanê PKKyî bena. Gerîlatîya xo ya verêne Eyaletê Amedî de kena. Dima ra Herêmanê Pawitişî yê Medya de gerîlatîye kena. Çar parçeyanê Kurdistanî û warê Ewropa de zî aktîf tewrê xebatan bena. 17ê hezîrana 2022î de Herêmanê Pawitişî yê Medya de netîceya hêrişê hewayî yê dewleta tirke de tewrê kerwanê bêmergan bena.
Koordînasyonê KJKyî derheqê şehadetê Raperîn Amede (Delal Azîzoglu) mesajêk weşana.
Mesajê KJKyî wina yo:
‘‘17ê hezîrane 2022î de Herêmanê Pawitişî yê Medya de, kadroyanê serkêş ê têgêrayîşê azadîye yê cinîyan ê Kurdistanî ra Embaza ma Raperîn Amede hêrîşê hewayî yê dewlete tirke ya faşîste de şehîd bîye.
Hemraya ma Raperîne serra 1992î de kela ma ya xoverdayîşî Amedî ra beşdarê refanê gerîlayan bîye. Dimayê ke perwerdeyê Rayberîye girewt, waranê cîya-cîyayan ra têkoşînê ma xo rê kerd wezîfeyêk. Tewr peynî sey endama raybertîye yê Dîwanê KONGRA GEL karê xeylê muhîmî û tarîxî kerdî, serkêşîye kerde. Wexto ke nê karî kerdêne, şehîd bîye.
‘Bi zerrî û can têkoşîn kerdêne’
Embaza ma Raperîne çar parçeyê Kurdistanî ra, Ewropa ra seba şarê ma, seba îdareyê şarê ma xeylê xebitîya. Cuya aye de her tim durust û serewedarite bîye, nê xo rê kerdbî esasêk. Hemraye Raperîne demanê peyênan de bi perwerde, kombîyayîş û munaqeşayan beşdarê xebatan bîyêne ke seba averberdişê sîstemê konderal ê demokratîk û modelê netewa demokratîke xebitîyayêne.
Bi aqil, hîs û rengê cinî, bi hemrayîya xo, bi vindertişê xo yê binîzam, zerrîtenikîya xo mîyanê cuye de û her warî de tesîrêko gird kerd, bi zerrî û can beşdarê rêxistinanê komelkîyan bîyêne. Bi nameyê Têgêrayîşê Cinîyan ê Kurdan, şexsê Raperîn Amede de heme şehîdanê xo bihurmet yad kenê û ma sozo ke dayo şarê xo anê vîrê şarê xo.” BEHDÎNAN
