Koordînasyonê KJKyî bi eşkerayîyêke serrgêra şehadetê înan de Delal Nûrhak û Zîlan Qamişlo yad kerdî.
Eşkerayîye wina ya:
”Şorişê Kuristanî bi bedelanê pîlan estbîyayîşê xo yo azad mojna û tim aver şi. Heman wextî de şorişê cinîyan zî bi bedelanê pîlan azadîye û averşîyayîş aferna. Şehîdê ma nê rayraşîyayîşê şorişî de rayîrê ma roşnî kenê, çareserkerdişê zor û zehmetîyan de ma rê benê çimeyê hêzî û serkêş. Tewr peyên hêrişê artêşa tirke ya faşîste de Herêmanê Pawitişî yê Medya de embazê ma Delal Nûrhak û Zîlan Qamişlo şehîd bîyî ke înan rayîrê ma roşnî kerd, rind kerd, bi fedakerdişê canê xo şorişê cinîyan pîlêr kerd. Verê vîrameyîşê înan de ma bi rêzdarî rîyê xo anê war. Seb ma rûmeto tewr pîl o ke layîqê înan bibê. Ma soz danê ke Kurdistan de şorişê demokratîkî û şorişê cinîyan bikerê, bi nê hewayî dişmenî ra hesab bipersê û tim wayîrê vîrameyîşê înan vejîyê.
Embaza ma Delal Nûrhake game bi game bi kedêka pîle kesayetê xo bi şorişê cinîyan aferna, şorişê cinîyan de bîye yew, cuye û têkoşînê xo bi nê hawayî kerd. Warê Rayberîye ra heta metropolan, metropolan ra heta zîndanan, zîndanan ra heta koyan, karanê ekonomî û cinîyan, Konseya Rayberdişî ya KJKyî û Koordînasyonê PAJKî aye xeylêk çeperan de karê şorişî kerdî, bii embazî, hêz û hunerê xo, rêçêka pîle xo pey de verdaye. Aye qetî kesayetê xo ra tawîz nêda, seba averberdişê têkoşînê cinîyan ê azadan destê ci ra çi ame kerd û bi nê hawayî bîye renganê tewr rindan ê şorişê cinîyan ra yewe. Cinîyan, xoza, embazîye û merdiman ra heskerdiş taybetmendîya aye ya tewr zelale bîye. Şorişê cinîyan teno manaya cuye, kede û kesayetê embaze Delale. Sey Şehîde Bêrîvane Zîlan embaze Delale Nûrhak zî wayîra keda şorişî bîye coka hedefê dişmenî de bîye. Seba ma wezîfe û rûmeto tewr pîl no yo ke ma bibê layîqê Bêrîvan Zîlan û Delal Nûrhake û rêçê înan de şorê.
Embaza ma Şehîde Zîlan Qamişlo zî nê bingeyê komelbîyayîşê şorişê cinîyan û têkoşînê vera DAIŞî de dest pê têkoşînî kerd. Aye rayraşîyayîşê şorişê cinîyan koyan de resna asta tewr berze. A her ke bîye pîlêr hende bîye rinde. A wayîra Rayberîye, partîye û azadîya cinîyan vejîyaye û no rayraşîyayîşo manadar awan kerd. Aye destê sîstemê kapîtalîstî ra xo azad kerd û xo pey de cuya raştikêne ya azade verdaye.
Seba şehîdanê xo ma se bikerê kêm o. Seba ke ma payan ser de vinderê, şorê û ser bikewê ê ma rê benê hêz. Şehîdê ma sebebê tew pîlî yê têkoşînî yê û her şehadetî ra dima bi seyan qehremanî aferîyenê. Şexsê Şehîde Delale, Şehîde Zîlane û Şehîde Bêrîvan Zîlane de ma pêro şehîdanê şorişî yad kenê ke Zap, Girê Şehîd Birîndar, Girê Karker, Avaşîn, Girê Hakkarî, Girê Cûdî, Girê Amediyê de tewrê karwanê şehîdan bîyê. Ma vanê ke bi waştiş û qerardarîya serkewtişî ma do xebatanê xo bizêdînê.” BEHDÎNAN
