Koordînasyonê KJKyî derheqê şewatê Amed û Mêrdînî eşkerayîye daye û vat: ”Ma semedê şewatî zaf qehrîyayî. Kesanê ke şewat de dinyaya xo bedilnaye ma înan rê rehmet keyeyanê înan û şarê xo rê serweşîye wazenê.”
Eşkerayîye de nê ameyî vatene:
”Dewleta tirke ya qirkere vera şarê kurdî pîya bi qirkerdişê kulturkî û polîtîkî qirkerdişê xoza zî rayra bena. Koyan de her qeyde çekanê qedexayan şuxilnena. Wazenê heme cografyaya Kurdîstanî bikerê bê daristanî û semedê nê polîtîkaya taybete rayra benê. Bi awabendan texrîbatê ekolojîkî kenê. Cuyeya ke şarê ma Rojawan de naya ro vera ci hêrişê hewayî û warê zîretî de şewat sabotajî kenê. Bi polîtîkaya qeyûmî ke îmkananê şarê ma destê ci ra bîgêrê ke wa vera nê hêrişan û felaketan xo meeşko xo bipawo. Wa no eşkera bêro zanayene ke Kurdîstan de felaketa tebîîye çîn a; felaketa qirkere ya dewlete est a.
Na çarçewa de ma veng danê şarê ma, rayrapêroyîya demokratîke û têgêrayîşê ekolojîkî wa vera na felakete ya ke sabotajê dewlete ya, seferberîya komelkî bidê destpêkerdene, semedê newera ronayîşê daristanan, dewan, dinyaya zîretî û ganîyan ganî paştdayîşî gird bikerî. Çarçewaya pawitişê Kurdîstanî de her kes wa bi ruhê ronayîşê komelkî têbigêro. Vera hêrişanê qirkerdişî yê dewlete yê serê kurdan û dişmenîya vera kurdan şarê ma ganî semedê asayîşê tedbîran bigêro û torranê xo yê rêsitinkerdişî aver bêro. Kurdîstan de vera felaketa dewleta tirke ma pêro pîya bi têkoşînê topyekunî û ruhê ronayîşî caardişê rejîmê qirkerdişî vindarnê.”
