”Ma Kawayê nê çaxî Mazlûm Dogano ke Zîndanê Amedî de bi hîrê kîbrîtan vera zulmî xo ver da, Zekîya Alkana ke Sûran de bedenê xo da adirî ver heta Rahşan, Bêrîvan, Ronahî û Sema Yuceyan pêro şehîdanê Newroze bi rêz û minetî yad kenê. Ma na Newroza ‘Rayber Apoyî rê Azadîye’ sere de Rayber Apoyî rê, pêro şehîdanê xo rê, cinîyan rê, şaran rê fîraz kenê.
Rayber Apoyî têkoşînê xo yê 50 serran de Newroze kerde Newroza azadîye û wesîleya newe ra bîyayîşê cinîyan. Coka Newroze cigêrayîşê nasnameyî yê cinîyan, ganîbîyayîşê cinîyan ê kurdan o.
Vera na hişmendîya welatperwerî û neteweyîye dişmenî wazenê Kurdîstanî bê merdiman bikerê û kurdan bê welatî bikerê. Nê rejîmê dîktatorê ke cinîyan çin hesibnenê, qirkerdişan kenê û polîtîkayanê eko-qirkerdişî anê ca ganî vera nînan her ca de ruhê Newroze bêro berzkerdene. Senî ke Rayber Apo 50 serrî yo têkoşîn keno ganî cinîyî zî her roje bi ruhê Newroze têkoşînî pîlêr bikerê. Ganî cinîyî hîna zaf wayîrê Newroze vejîyê û bi coş û moralê 8ê Adare Dehaqan rê cewabê tewr holî bidê.
Rayber Apoyî bi qiseyê xo ‘Newroze ganîbîyayîşê kurdan, mergê min o’ tesbît kerd ke dişmen wisar de hîna zaf hêrişê şarê ma û gerîlayan keno coka ganî ma wisar de hîna zad xo ver bidê. Nê rojanê Newroze de Başûr, Vakur, Rojawan û Rojhelatê Kurdîstanî de vera şarê ma plananê gemarinan yenê kerdene. Ganî vera nê planan bi ruhê Newroze cewabî bêrê dayene.
Roja a roj a ke vera terorê zaliman gamê bicesaretî bierzîyê û adirê wisarî bêro girkerdene. Roja a roja ke cinîyê ke Rayber Apoyî seba azadîya venga înan dabi bi reng û tîlîlîyanê xo meydanan debikerê.
Sere de cinî û ciwanî ma venga pêro şarê ma û şaranê Mezopotamya danê ke tewrê Newroza Azadîye ya Rayber Apoyî bibê, meşaleya cuya azade berz bikerê, Newroze bi ganîbîyayîşî biciwîyê û cuya azade awan bikerê. Ma roşanê xoverdayîşî yê Newroze yê Rojhelatê Mîyanênî û Mezopotamya fîraz kenê. Ma bawer kenê ke na Newroze do biba wesîleya azadîya Rayberê ma.” BEHDÎNAN
