Koordînasyonê KJKyî derheqê operasyonanê Ewropa yê vera medya û şorişgêranê kurdan de eşkerayîyêke daye. Eşkerayîye wina ya:
”Dinya de krîzê xorinî qewimîyenê û Şerê Dinya yo Hîrêyîn tewr zaf cinîyan û têgêrayîşanê azadîye keno hedef. Hêzê hegemonî wextê peyênî de reyna vera cografyaya ma Kurdîstanî plananê hêrişî yê neweyan amade kenê. Nê rojan de ke sîyasetê Tirkîya de çîyê girîngî qewimîyenê hêrişê vera kurdan giran bîyê. Hêzê Gladyoyî yê dewleta tirke wazenê asta hêrişanê xo bizêdînê.
Balkêş o ke nê hêrişî xoverdayîşê gerîlayan ê Zapî, çalakîyanê 8ê Adare, şayîyanê Newroze û weçînayîşanê herêmîyan ra dima qewimîyayê. Hêzê hegemonî verê îradeyê PKK û kurdan de panîk bîyê coka înan seba menfaetanê xo û rejîmê AKP-MHPyî dest pê xîretanê xo kerd.
Vakur û Başûr de hêrişê vera gerîlayan, Tirkîya de hêrişê vera sîyasetê demokratîkî û Ewropa de hêrişê vera medyaya kurdan û şorişgêran hêrişê NATOyî yê. NATOyî vera şarê ma planêkê tasfîye yo newe visto dewre. Ma sere de Almanya, Belçîka û Fransa pêro dewletanê Ewropa rê vanê ke ewladanê kurdan DAIŞ bin vist û bedelê pîlî dayî. PKK, YPG û YPJyî Ewropa belaya DAIŞî ra xelisnaye. Înanê ke o çax kurdan rê çepik pirodayêne ewro hêrişê kurdan kerd. Dewletê Ewropa hemkarê DAIŞî îtîfaqê Erdogan-Bahçelîyî pawena û seba ney hêrişê kurdan kena. Ma venga nînan danê ke nê polîtîkayanê tarîyan ra fek vera bidê. Ma visnenê vîrî ke nê hêrişî vera terzê têkoşînî yê felsefeya Jin, Jiyan, Azadî zî yenê kerdene.
Nê prosesî de Erdogan şi Iraq û do şoro Amerîka ke ancî vera kurdan planê hêrişan bîyaro ca. Ma do destûr nêdê ke ancî vera kurdan planêkê tasfîye yê neweyî bêro caardene.
Ma sey KJKyî hêrişanê ke Ewropa de vera kedkaranê çapemenîya kurdan ameyê kerdene şermezar kenê. Şerm a ke Belçîka erjanê xo yê heqanê merdiman û azadîya çapemenîya kena qurbananê menfaetanê dewleta tirke.
Ewro serrgêra Qirkerdişê Armenîyan o zî. Ma nê qirkerdişî bi nefretî şermezar kenê. Ma venga pêro kesanê ke vera qirkerdişan têkoşîn kenê danê ke têkoşînê hemparî pîlêr bikerê û nê hêrişan pûç bikerê.
Ma venga pawitoxanê heqanê merdiman û rayaumûmîya demokratîke zî danê ke vera menfaetanê gemarinan ê dewletan tewir bigêrê. Ma venga pêro beşanê komelî danê ke vera rejîmê AKP-MHPyî yê faşîstî tewir bigêrê.”
