Navenda Nûçeyan |
Rayedarekî Erebistana Siûdî da zanîn ku ji bo pêşîlêgirtina belavbûna vîrûsa koronayê (Covîd-19), wan li Yemenê bi rengekî yekalî agirbest ragihandine.
Rayedarê siûdî destnîşan kir ku agirbest dê ji roja pêncşemê ve bikeve meriyetê û dê du hefteyan bidome. Rayedar got ku ew li bendê ne ku Hûsiyên şîe jî vê agirbestê qebûl bikin. Rayedar wiha domand: “Li dijî nexweşiya Covîd-19’ê em zemînê têkoşînê amade dikin. Ger Hûsî bersiveke erênî bidin Koalîsyona Ereb, em dikarin dema agirbestê dirêjtir bikin.”
Li Yemenê Hûsî û hêzên hikûmetê şerê hev dikin. Siûdî piştgiriya hêzên hikûmetê, Îran jî piştgiriya Hûsiyan dike. Di şerê Yemenê de heta niha bi dehhezaran kes hatin kuştin ku piraniya wan sivîl in.
Her wiha derdora 24 milyon mirovên li Yemenê ku du ji sê parên nifûsa welat e, pêwîstiya xwe bi alîkariya însanî heye.
