Bajarê Kolnî yê Almanya de vera qerarê Dewaya Kobanê bi vengdayîşê Yewîya Hêzî ya Demokratîke ya Ewropa (ADGB) û Platformê Vengê Tepişteyan (TSP) mîtîng ame kerdene.
Çalakîya ke bi desan kesî tewrê ci bîyî de fotografê Hemserekanê Pêroyî yê HDPyî yê verênan Fîgene Yuksekdag û Selahattîn Demîrtaşî ameyî kiriştene.
Qiseykerdişan bale ameye antene hemkarîya DAÎŞ û AKPyî ser û ame vatene ke senî ke Kobanê bi xoverdayîşî ser kewt ê zî do bi xurtkerdişê têkoşînî hemrayanê xo zîndanî ra bixelisnê.
Mîtîng de mektubê Fîgene Yuksekdag zî ame wendene ke mesajê xurtkerdişê têkoşînî dana.
