Koma bi navê ‘Yekîneya Tolhildanê ya Şehîd Xelîl Jêhat’ bi daxuyaniyekê ragihand ku hêzên wan li Stenbolê du çalakî pêk anîne. Yekîneyê destnîşan kir ku ji vir û şûnde bi taybet jî qadên turîzmê dê di hedefa wan de bin
Koma bi navê ‘Yekîneya Tolhildanê ya Şehîd Xelîl Jêhat’ bi daxuyaniyekê ragihand ku du çalakiyên ku di 12 û 21’ê hezîranê de li Stenbolê hatine kirin, wan pêk anîne. Di daxuyaniya ku li ser malpera bi navê Raperîna Gel hate weşandin de, komê berpirsyariya çalakiya sabotajê ya li Meydana Sûltan Ahmet û çalakiya li dijî lûleya gaza xwezayî li xwe girt.
Li gorî daxuyaniyê, di 12’ê hezîranê saet di 14:00’an de li Qada Sûltan Ahmet ku yek ji navendên tûrîzmê yên dewleta tirk e çalakiyeke sabotajê hatiye kirin û ev agahî hatin dayîn: “Qada çalakiyê ji aliyê polîsan ve hate dorpêçkirin. Der barê encamên çalakiyê agahî nehatin wergirtin.”
Daxuyanî wiha bi dawî bû: “Di êvara 21’ê hezîranê de jî kepçeyeke ku di karê avakirina lûleya gaza xwezayî de ya li Stenbolê dixebitî, hate şewitandin. Kepçeya ku demeke dirêj şewitî wisa bû ku nema karibe bê xebitandin. Hatineyên tûrîzmê ji bo dewleta tirk a dagirker dibe bombe û li erdnîgariya Kurdistanê dibare. Lewma dê navendên tûrîzmê her tim di hedef me de bin.” STENBOL
