Navenda Nûçeyan |
Saziya Malbatên Şehîd û Windayan a Ewropayê (KOMAW) û Partiya Yekitiya Demokratîk (PYD) daxuyaniyên nivîskî weşandin û Cejna Remezanê pîroz kirin.
Di daxuyaniya KOMAW’ê de ev tişt hate diyarkirin:
“Em ên li Ewropayê li dûrî xizmên xwe dikevin cejnê lê ew ê yekitiya me ya di dilan de, peyama herî xweş e cejnê be.
Mixabin malbatên me yên şehîdan bi aramî vê cejnê pîroz nakin. Yan li pêşiya girtîgehan ji bo hevdîtina zarokên xwe ne yan jî ji bo ku gorên zarokên wan neyên bomberdûmankirin nobetê digirin. Em berxwedana dayik û malbatên şehîdan pîroz dikin.”
Peyama PYD’ê
PYD’ê jî di peyama xwe ya cejnê de ev tişt anî ziman:
“Em cejna gelên Sûriye û Bakur û Rojhilatê Sûriyeyê pîroz dikin û hêvîdar in ev cejn bibe wesîleya bidawîkirina şer û dagirkeriyê. Em hêvîdar in gelê me yên koçber vegere ser axa xwe û dagirkeriya dewleta tirk jî bi dawî bibe.”
