Navenda Nûçeyan |
KOMAW’ê bi daxuyaniyeke nivîskî Şehîdên Meha Gulanê bi bîr anîn.
Di daxuyaniyê de hat destnîşankirin meha Gulanê ji bo kedkarên kedê, têkoşînê, çîn û kedkarên cîhanê meheke hevpar e û wiha hat gotin: “Meha Gulanê her wiha ji bo têkoşîna neteweya kurd weke Meha Şehîdan derbasî dîrokî bûye. Nexasim vê mehê, zarên kurd ên leheng hene ku mohra xwe li serdemê dane, bûne sembol û şehîd. Yek ji van jî Mehmet Karasûngur e, ji bo yekitiya neteweyî têkoşiyaye û di vê rêyê de şehîd bûye. Di hewldanên dagirkirin û komkujiyên dewleta tirk de yên li ser başûrê Kurdistanê tê dîtin bê ka ev hewldane çendî girîng e. Aşkera ye ku yekitiya neteweyî çendî girîng e. Vê mehê her wiha leheng Hakî Karer jî şehîd bûye. Heval Hakî guh nedaye nîjad, dîn, mezheb, neteweyê bi ruhekî enternasyonelîst û şoreşger têkoşiyaye, ji bo têkoşîna şoreşê ya Kurdistanê û Tirkiyeyê bûye bîrdariya rêber şoreşger.”
KOMAW’ê Hozan Mizgîn jî bi bîr anî û got ku bi xebatên qada hunerî bûye mamosteyek, peyam daye ku berpirsyariya hunermendan tu têkoşîna demokrasî û azadiyê de heye.
Her wiha KOMAW’ê diyar kir ku şehîd li hemû qadên jiyanê bi wan re ne, ji ber ku ew pêşeng in ku hayveynê ruh, hiş û ramanê dane wan, her qadê ew deyndarê wan in û di şexsê şehîdên Gulanê de hemû şehîdên şoreşa Kurdistanê bi bîr anî.
