Çalakiya greva birçîbûnê ya li Hewlêrê didome. Çalakî îro ji hêla komeke ji başûrê Kurdistanê ve hate dewrgirtin. Her wiha çalakiya Nasir Yagiz jî di roja 85’emîn de didome
Çalakiya greva birçîbûnê ya ku li nûnertiya Partiya Demokratîk a Gelan (HDP) a li Hewlêrê ji bo rakirina tecrîda girankirî ya li ser Rêberê Gelê Kurd Abdullah Ocalan hatiye destpêkirin di roja 85’emîn de berdewam dike. Di roja 85’emîn de çalakî ji hêla komeke din a ji başûrê Kurdistanê ve hat dewrgirtin.
Koma 43’yemîn a ku greva dewr girt ji çalakvan û kesayetên başûrê Kurdistanê pêk tê. Di heman demê de çalakiya greva birçîbûnê ya bêdem û bêdorveger a ku endamê Meclisa HDP’ê yê Hewlêrê Nasir Yagiz ji bo rakirina tecrîda girankirî ya li ser Ocalan deya destpêkirin jî di roja 85’emîn de berdewam dike. Nasir Yagiz tevî ku rewşa wî ya tenduristiyê di asteke xetarnak de ye jî, çalakiya xwe bi israr didomîne.
Têkildarî mijarê ji çalakvanên ku çalakî dewr girtin Ewnî Girdereşî axivî û ev tişt anî ziman: “Em weke kesayetên cuda yên başûrê Kurdistanê dest bi grevê dikin. Em dixwazin weke gelê Başûr beşdarî grevê bibin. Hêviya me ew e ku Rêber Apo azad bikin.” HEWLÊR
