Serdenê seba xoverdayoxanê grevê vêşanîye yê Strasboûrgî yê vera tecrîdê serê Ocalanî roja 58’ine de zî dewam kerd.
Grubêk serkêşîya Komela Vera Terteleyê Dêrsimî ra bajarê Stûttgartî yê Almanya ra şîye serdena çalakwanan. Bi nameyê sazgehî Huseyîn Yamaçî qisey kerd. Yamaçî xoverrodaxê ke bi serkêşîya Leyla Guvene kewtê grevê vêşanîye silam kerdî û va: “Tecrîdê serê Rayberîye nêno qebûlkerdene. Vera azadî û heqanê merdimîye Tirkîya sûcanê giranan ê merdimîye kena. Tecrîdê serê Ocalanî yeno manaya tecrîdê serê hemeyê grubanê cimatî. Coka waştişê çalakwanan waştişê ma yo zî.”
Waştişê înan waştişê ma yê
Yamaçî vengdayîşê welatanê Ewropa kerd ke zextê Tirkîya bikerê. Reyna vengdayîş bi şaranê çar parçeyanê Kurdistanî û dostanê înan kerd ke çalakîyan ra wayîr bivejîyê. Yamaçî polîtîkayê zext û zordarî yê dewleta Almanya yê serê sazgehanê Kurdan zî rexne kerdî û ard vîrî ke nê xezt û hêrişî seba têkilîya ekonomî yê her di welatan ê. STRASBOURG
