Komeleya Dêrsimijê Mêrsînî bale ante qetilkerdişê domananê way û birayê yewbînan Ayaz û Nupelda Gulogluye ke qezaya Pulurî ya Dêrsimî de netîceyê teqayîşê muhîmatêko eskerî de cuya xo vindî kerdî û dîyar kerd ke ganî hemverê îxmal û bêcezakerdişî de têkoşîn bêro dayene
Komeleya Dêrsimijê Mêrsînî seba bale antişê qetilkerdişê domananê way û birayê yewbînan Ayaz ve Nupelda Gulogluye ke qezaya Pulurî ya Dêrsimî de netîceyê teqayîşê muhîmatêko eskerî de cuya xo vindî kerdî, eşkerayî daye çapemenî. Eşkerayî awanîya şûbeyî de ame dayene.
Temsîlkarê Komeleya Elewîyê Demokratîke (DAD), partîyê sîyasî, komele, STK û xeylê kesî tewrê eşkerayîya çapemenî bîyî. Eşkerayî de ame dîyarkerdene ke ganî hemverê îxmal û bêcezakerdişî de têkoşîn bêro dayene. Eşkerayî de pankartê ‘Wa doman nêmirî, wa mayînî bêrî pakkerdene’ ame daliqnayene û Serekê Komeleya Piştîdayîş û Hetkarî Hasan Tanrikutî qisey kerd. Tanrikutî qiseykerdişê xo de da zanayene ke sebebê merganê herême esasê xo de girêdayeyê prosesê şerî yo. MÊRSÎN
