Wendekara Zanîngehê Munzurî Gulîstane Doku 5ê çeleyî ra nata vînbîyaye ya. Rixmo ke 113 rojî derbaz bîyî hema zî Gulîstane ra xeberêke çin a. Komeleya Cinîyan a Rosa bire daye ke seba Gulîstane Doku medyaya komelkîye ser o çalakîye bida destpêkerdene. Komele hesabanê xo yê medyaya komelkîye de çalakîye îlan kerde û vat: ”Ma pê bawer ê ke eke ma pîya têbigêrê ma eşkenê Gulîstane bivînê. Seba ke ma 26ê nîsane roja yewşemeyî saete 21.00 de medyaya komelkîye de çalakîyêka pîle rêxistin bikerê pabeyê paştdayîşê şima yê.”
Çalakîye emşo saete 21.00 de pê etîketê “VideoCozulsun GulistanBulunsun” do bêra kerdene. AMED
