Merkezê Xeberan
Serekê CHPyî Kemal Kiliçdaroglu, Sereka CHPyî ya Stenbolî Canane Kaftancioglu, Şaredarê Kadikoyî yê CHPyî Şerdil Dara Odabaşî û Şaredarê Stenbolî yê CHPyî Ekrem Îmamogluyî serrgêra Qirkerdişê Mereşî de cinîya ronayoxê MHPyî yê bi nameyê Alparslan Turkeşî zîyaret kerde.
Konfederasyonê Yewîyanê Elewîyan ê Ewropa, Federasyonê Elewî-Bektaşî, Federasyonê Komeleyanê Elewîyan, Federasyonê Weqfanê Elewîyan, Weqfa Kulturî ya Haci Bektaşî Welî, Komeleyanê Kulturî yê Elewîyan û Komeleya Kulturî ya Pîr Sultan Abdalî eşkerayîyêka hempare weşanaye û vera CHPyî nêrazîbîyayîşê xo mojna.
Eşkerayîye de ame parekerdene ke nê têgêrayîşê CHPyî elewîyî xeylêk dejnayî coka ê CHPyî şermezar kenê. Komeleyan pare kerd ke CHPyî bi nê zîyaretî îdîaya xo ya edaletî zure vete û waşt ke elewîyê ke komelo mazlûm o hurdî bivîno.
Komeleyan waşt ke CHPyo ke elewîyî semedê demokrasî û edaletî reyanê xo danê ci, wa cade derheqê mesele de eşkerayîyêke bido.
