Komîteya Ciwanan a PKKyî nasnameyê di şehîdanê Herêmanê Pawitişî yê Medya eşkera kerdî. Eşkerayîye wina ya:
”Artêşa tirke ya îşxalkere verê xoverdayîşê gerîlayan de mîyanê binkewtişêkê pîlî de ya. Xoverdayîşê gerîlayan ê destanwarîyî herêmanê Metîna, Zap û Avaşînî de ancî bi operasyonanê şorişgêran xo mojna ra.
Endama Koordînasyonê Komalanê Cinîyan ê Ciwanan û Komîteya Ciwanan a PKKyî Bişenge Brûsk û Endama Îdareyê Komalanê Cinîyan ê Ciwanan-Komalanê Ciwanan embaze Sara Hogir Riha 28ê temmuza 2023yî hêrişê artêşa tirke yê vera Herêmanê Pawitişî yê Medya de şehîd bîyî.
Ma şarê ma yê Riha û Cizîre rê, keyeyanê şehîdanê xo rê û pêro şarê Kurdîstanî yê welatperwerî rê serweşîye wazenê. Şehîdanê ma meşaleyêka ke nêna hewnakerdene, dewrê ma kerde. Na meşale bi adirê qesasê şehîdanê ma her roje geşêr bena.
Nasnameyê şehîdanê ma wina yê:
Nameyê Qodî: Bişeng Brûsk
Name û Peyname: Rojda Bîlen
Nameyê Dayîke: Gullî
Nameyê Babîyî: Mehmet
Ca û Tarîxê Bîyayîşî: Lozan-Swîsre-07-11-1988
Esil: Şirnex-Cizîr /Koçtepe
Ca û Tarîxê Tewrbîyayîşî: 2010-Eskişehir
Tarîx û Cayê Şehadetî: 28ê Temmuze-Herêmê Pawitişî yê Medya
Nameyê Qodî: Sara Hogir Riha
Name û Peyname: Gulsun Silgir
Ca û Tarîxê Bîyayîşî: Wêranşar/ Riha- 29.08-1990
Nameyê Dayîke: Medine
Nameyê Babîyî: Seydi
Ca û Tarîxê Tewrbîyayîşî: Mersin 2011
Tarîx û Cayê Şehadetî: 28ê Temmuze-Herêmê Pawitişî yê Medya
Embaza ma Bişenge 1988 de şaristanê Lozanî yê Swîsre de dadîya xo ra bena. A hêverî 2010 de tewra xebatanê Komalanê Ciwanan û Cinîyan ê Ciwanna bena. Embaza ma Bişenge bi serran karê rêxistinîye kena û a serkêşîya xebatanê ciwananê Rojhelatê Kurdîstanî kena. Dima a verê xo dana Şorişê Rojawanî û tîya de zî cinîyan perwerde û rêxistin kena. Embaza ma Bişenge tîya ra zî verê xo dana Herêmanê Pawitişî yê Medya û bi serran bi coş û moralêkê pîlî têkoşîn kena.
Embaza ma Sara Riha de mîyanê keyeyêkê welatperwerî de dadîya xo ra bena. Embaze Saraya ke birayê ci şehîd Hogir Riha bi, 2009 de zanîngeh de tewra xebatanê ciwananê şorişgêran bena. Embaza Sara rixmo ke çend reyî yena destbendkerdene û tepiştene xoverdayîşî ra fek vera nêdana. A 2013 de verê xo dana koyan. Embaze Sara Akademîyanê Şehîd Alî Çîçek û Şehîde Leyla Şaylemez de ciwanan perwerde kena. A Mexmûr de vera DAÎŞî şer kena. 2019 de a tewra Akademîya Şehîde Zeynepe Kinaci bena. A heta şehadetê xo bi fedakarî têgêrena.
Ma venga pêro cinî û ciwananê Kurdîstanî danê ke wayîrê îradeyê şehîdan vejîyê û rayîrê şehîdan ra şorê. Erkê ma yo ke ma qesasê şehîdanê xo dişmenî ra bigêrê.
Bijî Serok Apo!
Bê Serok Jiyan Nabe!
Jin Jiyan Azadî!
Şehîd Namirin!” BEHDÎNAN
