Komxebata navneteweyî ya li ser DAIŞ’ê di roja duyemîn de li Amûdê didome. Îro jî dê mijarên weke leşkerî û ewlekarî yên DAIŞ’ê, aliyê çandî û olî yê DAIŞ’ê, aliyê aborî û civakî yê DAIŞ’ê û herî dawî jî aliyê jin û terora DAIŞ’ê bê nîqaşkirin
Di roja duyemîn a komxebata navneteweyî ya têkildarî çeteyên DAIŞ’ê de, dê li ser 4 mijaran semîner bên dayîn. Roja duyemîn a komxebatê bi semînera maseya yekemîn dest pê kir.
Komxebata navneteweyî ya têkildarî çeteyên DAIŞ’ê ku Navenda Lêkolînen Stratejîk a Rojava (NRLS) organîze kir, di roja duyemîn de li Hola Beylesan a Amûdê ya Qamişlo berdewam dike. Hola Beylesanê ji aliyê Hêzên Asayîşa Taybet, Hêzên Ewlekariya Hundirîn û Hêzên Hawarî ve tê parastin.
Mijarên ku dê îro bên nîqaşkirin
Bi sedan kesên navdar beşdarî komxebatê bûne. Îro li ser 4 mijaran dê semîner bên dayîn. Mijara maseya yekemîn milên leşkerî û ewlekarî yên terora DAIŞ’ê ne. Moderatoriya mijarê dê Dr. Mihemed Ebdilqadir bike. Dr. Nicholas Heras, Dr. Seed Bîn Umer, rojnameger Zana Omar û ji fermandarên YPJ’ê Tolhildan Ehmed jî dê semînerê bidin.
Mijara duyemîn jî dê li ser aliyên çandî û olî yên terora DAIŞ’ê be. Moderatoriya mijarê dê Mûnir Şêxî bike. Mensûr Teyfûrî, Dr. Amy Austin Homales, Thomas Garrett û Mihemed Cîhad Îbrarî jî dê semînerê bidin.
Mijara sêyemîn jî dê têkildarî aliyên aborî û civakî yên terora DAIŞ’ê be. Moderatoriya mijarê dê Dr. Mihemed Şewqî Mihemed bike û Dr. Ehmed Yûsiv, Dr. Muhîb Salha û lêkolîner Ehmed Pelda dê semînerê bidin.
Herî dawî jî dê têkildarî jin û terora DAIŞ’ê de semîner bê dayîn. Moderatoriya mijarê dê Lîna Berekat bike û Berîvan Mihemed Yûnis û Zozan Sîma jî dê semînerê bidin. Piştî semîneran jî dê nîqaş û guftûgo bi mêvanan re bên kirin. QAMIŞLO
