Komxebata Îtîfaqê Kurdistanî seba ke xarîteya xo ya Yewîya Neteweyîya Kurdî dîyar bikera ‘Komxebeta Yewîya Neteweyîye’ virazena. Komxebate roja diyîne de dewam kena
Amed de Kongreya Komela Demokratîke (KCD) zî tede îtîfaqo ke hetê 8 partîyanê kurdan ra amebi ronayene seba di rojan Komxebata Yewîya Neteweyîye virazeno. . Komxebate roja diyîne de dewam kena. Komxebata ke otelêkê Sûrî de yeno kerdene nê nameyî tewrê ci bîyî. Hemserekê KCDyî Leyla Guven û Berdan Ozturk, Hemserekê Pêroyî yê Partîya Herêmê Demokratîkî (DBP) Saliha Aydeniz û Keskin Bayindir, Aktîvîstê Tevgerê Cinîyanê Azadan (TJA), Sîyasetmedaro Kurd Ahmet Turk, Temsîlkarê DDKD, PÎA, KKP, PDK-Bakur, PDK-T, Partîya Azadî û Hemserekê Partîya Demokratîke yê Şaran (HDP) Sezaî Temellî komxebate de hadre bî.
Komxebate de modelê Yewîya Neteweyî yeno munaqeşekerdene. Komxebata Îtîfaqê Kurdistanî ewro saet 16.00î de netîceyê munaqeşeyanê xo do bi kombîyayîşê çapemenî raya pêroyî rê eşkera bikera. AMED
