Zerrîwazanê HDP/Partîya Çep a Hewze seba ke Ewropa ra paştî bidê xebatanê weçînayîşî Torra Resnayîşê Demokratîkî yê Şaran HADÎ Ewropa na ro.
Komxebate hesabênê medyaya sanalî ra ronayîşê xo da eşnawitene. Pîya bi sîyasetmedaranê HDPyî ke surgun de yê, akademîsyenê haştîye, rojnameger, roşnvîr, hunermend zî tede ca genê. Eşkerayîya ronayîşê HADÎ Ewropa Almanya, Swêd, Fransa û Swîre ra hetê no kesan ra weşanê ganî ra ameye wendene. Reyna dîya eşnawitene ke Yunanistan, Hollanda, Îtalya, Avusturya, Danimarka, Îngîlîstan Qibris ra zî zerrîwazê HADÎ Ewropa est ê.
Eşkerayîye de ame vîrvîstene ke HDP bi nameyê Partîya Çep a Hewze kewno weçînayî , bale ameye antene muhîmîya weçînayî ser û veng dîya weçînayoxanê Ewropa ke wa wayîrê reyanê xo vejîyê û semedê ameyoxê welatî reyanê xo bidê HDP/Partîya Çep a Hewze.
