KON-MED’ê ji bo boykotkirina mal û tûrîzma tirk daxuyaniyek nivîskî parve kir û banga boykotê kir
Konfederasyona Civakên Kurdistaniyên li Almanyayê (KON-MED) ji bo boykotkirina mal û tûrîzma tirk daxuyaniyeke nivîskî parve kir.
Di daxuyaniyê de hate ragihandin ku êrîşên qirkirinê yên topyekûn ên dewleta tirk ên li dijî gelê kurd didomin û wiha hat gotin: “Ji bo tunekirina gelê kurd bi her şêweyî çekan her wiha çekên kîmyewî tên bikaranîn. Li dijî êrîşkariya dewleta TC a dagirker pêla boykotkirina malên dewleta tirk a dagirker ku bi pêşengiya gelê başûrê Kurdistanê dest pê kir didome. Hatineya rejîma faşîst a tirk ne tenê li Kurdistanê her wiha li Ewropayê ya ji mal û tûrîzmê dibe çavkaniya makîneya şer. Dewleta Tirkiyeyê hema bêjin piraniya aboriya xwe li şerê qirkirinê bi kar tîne. Çavkaniya sereke ya vî şerî jî bi taybetî malên tirk ên li Almanyayê tên firotin û turîzm e. Em bang li kurdistaniyên li her devera dinyayê bi taybetî li Almanyayê dikin ku malên tirk nekirin û tûrîzma tirk boykot bikin.” ANF
