Ewro bi moderatorîya sosyolog û antropologe ya meksîkayije Margara Millan de panelê perwerdeyî ame kerdene. Cigêrayox Andrej Grubačić, sosyolog John Holloway Puebl û edama Akademîya Jineolojî Zozan Sîmaye tewrê panelî bîyî.
Andrej Grubačićî ver sîstemê perwerdeyê kapîtalîzmî qala muhmîya perwerdeyê sîstemê xoser-onotomî kerde. Grubacicî bi donayan qala sîstemanê perwerdeyî û prosesanê perwerdeyê neweyî kerd û vat: “Çîyo ke ma keno cîya tarîxê perwerdeyê onotom-xoserî yo. Seba ke ma sîstemê perwerdeyê kapîtalîstî fam bikerê gerek ma zanistê cehaletî bizanê. Sîstemê perwerdeyê kapîtalîstî merdiman keno nêzan. Gerek sîstemê perwerdeyî de wendekarî helê înan xozayî de berê verdayene. Coka sîstemê perwerdeyê xoserî semedê averşîyayîşê merdimîye hewce keno.”
John Hollowayî zî qala tesîrê serdestan yê serê cuya merdiman kerd. Hollowayî vat: “Pere merdiman gire dano, aktîvîteyanê înan sînordar keno, çîn keno. Perwerde gerek vera pereyî kişta cuye de ca bîgêro. Perwerde vera bêhîvîyîye têgêryîşê hêvî yo.”
Zozan Sîma zî Rojawan ra bi dîmenî tewrê konferansî bî. Sîma qala perwerdeyê têgêrayîşê azadîye yê kurdan û têkoşînê vera perwerdeyê çar dewletanê. HAMBURG
