Partîya Çep a Keske roja yewşeme û dişemeyî de Merkezê Kongre yê Nazim Hîkmetî yê Anqara de Konferanso Pîl kerd. Konferans vizêr qedîya. Konferans de 24 birî ameyî girewtene.
Konferans de bire dîyaye ke vera tecrîdê Îmraliyî têkoşîno bêmabên bêro kerdene û weçînayîşan de namzetî şarî reyde bêrê dîyarkerdene.
Birê konferansî menga teşrîna verêne de kongre de bêrê pêşkeşkerdene. Sernameyê biran wina yê:
1- Meseleya kurdan de çareserîya demokratîke û haştîyane
2- Siyaseto demokratîk, Rayîro Hîrêyîn
3-Vera rejîmê qeyûman îdareyanê herêmîyan ê demokratîkan de israr
4- Azadî û têdûştîya bawerîyan
5- Rêxistinkerdişê kede
6- Ekonomîya demokratîke
7- Vera erdlerz û felaketan paştdayîş
8- Vera madeyanê tîryakî têkoşîno topyekûn
9- Çapemenîya azade nêna bêvengkerdene
10- Lîsteya Meclîsê Partîye, hemserekî û heyetê bînî
11- Weçînayîşanê pêroyîyan û herêmîyan de şar namzetan dîyar bikero.
12- Gamê newe ra awankerdişî
13- Ma do komara demokratîke awan bikerê
14- Vera polîtîkayanê şer û tecrîdî haştîye û çareserîye
15- Zîndanî, binpaykerdişê heqanê tepişteyan
16- Têkoşînê vera sûcanê serê xoza
17- Bezreyî zîl danê
18- Polîtîkayê seba astengdaran
19- Wayûbiratîya şaranê dinya
20- Domanan rê ameyoxo azad
21- Berzkerdişê têkoşînê seba perwerdeyê bi ziwanê dayîke
22- Kultur û huner
23- Caardişê bernameyê dibistana partîye
24- Meclîsê Ciwanan. ANQARA
