Rewşenbîrên û hunermendên Kerkûkê qala girîngiya lidarxistina kongreya neteweyî kirin û wiha gotin: “Wê peyamek girîng a yekdengî û yek armancê bide cîhanê.”
Bi salane yekîtiya gelê kurd û lidarxistina kongreya neteweyî xewna kurdane û ji bo xebat tê kirin. Têkildarî girîngiya yekîtiya netewî û lidarxistina kongreya neteweyî rojnameger û rewşenbîrên û hunermendên Kerkûkê ji Rojnewsê re axivîn.
Nivîskar û Endamê Kongreya Neteweyî ya Kurdistanê (KNK) Ronak Şiwanî diyar kir ku divê demê de ji her demê zêdetir kongreya neteweyî ji bo kurdan pêwîste û got ku ger were lidarxistin dê peyamek girîng a yek dengî û yek armanciyê bide cîhanê. Ronak Şiwanî aşkera kir ku dê kongreya neteweyî hebûna kurdan di cîhanê de gelek girîng bike.
Herwiha derhêner û şanoger Nejad Necim aşkera kir ku peywendiyên di nava aliyên parçeyên Kurdistanê de başe û diyar kir ku tevî ku derfet heye jî tişta ji bo xemsarî tê kirin, lidarxistina kongreya neteweyî ya kurd e û wiha got: “Pêwîste kongreya neteweyî niha were kirin, lidarxistina wê ya îro ji sibe baştire. Di navbera parçeyên Kurdistanê de dijberiyek siyasî ya tund heye û ev yek jî destê derve di nav de heye.”
Rojnameger Ehmed Refîq jî kêfxweşiya xwe nîşan da ku hemû hêzên kurd di nava kongreya neteweyî de kom bibin û ji bo kurdan bigihîn astekê û wiha got: “Divê li her çar parçeyên Kurdistanê kongreya neteweyî ji bo hemû hêzan be. Nabe parçeyek were erê kirin û parçeyek red bike. Ji bo bigihîn biryaran divê hemû beşdar bibin.” HELEBCE
