Dima ke tepişteyan vera tecrîdê Rayberê Şarê Kurdî Abdullah Ocalanî û binpaykerdişanê heqanê xo dest pê grevê vêşanîye kerd hetê Komeleya Heqanê Merdiman, Yewîya Tabîbanê Tirkî (TTB), Komeleya Huqûqnasanê Azadîwaştoxan (OHD), Komeleya Huqûqnasan ê Modernan (ÇHD) û Weqfa Heqanê Weqfa Heqê Merdiman ya Tirkîya (TÎHV) ra Koordînasyonê Teqîbkerdişê Grevê Vêşanîye ame ronayene. Koordînasyonî Merkezê ÎHDyî de kombîyayîşêkê çapemenîye kerd.
Hemserekê Komeleya Heqê Merdiman (ÎHD) Ozturk Turkdoganî kombîyayîş de qisey kerd û eşkera kerd ke 107 zîndanan de grevê vêşanîye esto Turkdoganî îfade kerd ke tecrîd û binpaykerdişê heqanê tepişteyan zîndanan de bi hawayêkê sîstematîkî yenê caardene.
Turkdoganî vat: ”Verî zî netîceya grevê vêşanîye de tecrîdê Zîndanê Îmraliyî wedarîyabi la 7ê tebaxa 2019î ra nata tecrîd newe ra yeno caardene. Na rewşe pêşnîyazanê CPT û Krîteranê Mandelayî yo. Ganî tecrîd cade bêro wedaritene.”
Turkdoganî venga selahîyetdaran da ke seba wedaritişê tecrîdî têbigêrê. Turkdoganî vat: ”Ganî tepişteyê grevê vêşanîye bi hawayêkê nîzamî bêrê kontrolkerdene û goreyê protokolan werd bêro dayene înan. Ma sey Koordînasyonê Teqîbkerdişê Grevê Vêşanîye grev nêzdî ra teqîb bikerê û derheqê ci de raporêk amade bikerê.” ANQARA
