Navenda Nûçeyan |
Ji ber şewba vîrûsa koronayê (Covîd-19) her ku diçe hejmara kesên dimirin zêdetir dibe. Li gorî daneyên fermî yên Zanîngeha Johyns Hopkîns a li gorî saeta Ewropayê ji saet 15:00’yan ve li gelemperiya cîhanê 2 milyon û 420 hezar kes bi şewbê ketine û ji van zêdetirî 166 hezar jê mirine.
Şewb belavî 193 welat û herêman bûye. Di rêza yekê de jî DYE tê û Spanya û Îtalya jî yên li rêzê ne. Li gorî daneyan, rewşa çend welatan wiha ye:
“BAKURÊ KURDISTAN-TIRKIYE
* Li Tirkiyeyê li gorî daneyên duh 86 hezar û 306 kes bi vîrûsê ketin û û 2 hezar û 17 kes jî mirine.
* Li girtîgehan ji ber şewbê tu tevdîr nehatine girtin. Hevşaredara Dêrsimê ya berê Nûrhayat Altun diyar kir ku bi erêkirina qanûna înfazê û berdana girtiyên edlî re 3 rojan xwarin nedane wan. Di zêdetirî 50 girtiyên ji Girtîgeha Dalamanê hatine berdan jî vîrûs hate tesbîtkirin û ji van testa 2’yan pozîtîf derket.
* Komeleya Alîkariya bi Malbatên Girtî û Hikumxwaran re ya Marmarayê (MATUHAY-DER) bang li wezareta tirk kir ku ji bo hevdîtina bi Rêberê Gelê Kurd Abdullah Ocalan re derfetan çêbikin.
* Li Ingilstanê 200 malbatan destek dan Kampanyaya Malbatên Xwişk û Bira ya HDP’ê. Li Soderhamn a Swêdê jî starta kampanyayê hate dayîn.
* Şaredariyên HDP’ê yên Îdir, Patnos, Giyadîn û Bazîdê li dijî vîrûsê seferber bûn. Li gel xebatên paqijî û hîjyenê, nexşeya hejariyê hate derxistin û kampanyaya Malbatên Xwişk û Bira bi kedeke mezin tê birêvebirin.
* Hevseroka HDP’ê Pervîn Buldan bang li hemû kes kir ku tev li kampanyaya wan bibin û banga piştevaniyê kir.
DYA
* Li welat 764 kes bi şewbê ketin û ji van 40 hezar û 500 kes jê mirin.
SPANYA
* Li welat 200 hezar û 200 kes bi şewbê ketin û ji van 20 hezar û 850 kes jê mirin.
ÎTALYA
* Li welat zêdetirî 180 hezar kes bi şewbê ketin, 23 hezar û 660 kes jê mirin û zêdetirî 110 hezar kes jî tên dermankirin.
FRANSA
* Li welat 152 hezar kes bi şewbê ketin, 19 hezar û 700 kes mirine û nêzî 100 hezar jî tên dermankirin.
INGILISTAN
* Li welat 140 hezar kes bi şewbê ketine û 16 hezar kes jî pê mirine.
ALMANYA
* Li welat 145 hezar kes bi şewbê ketine û 4 hezar û 600 kes jî pê mirine.
BELÇÎKA
* Li welat 40 hezar kes bi şewbê ketine, 5 hezar û 800 kes pê mirine û nêzî 25 hezar kes jî tên dermankirin.
SWÊD
* Li welat 28 hezar kes bi şewbê ketine, hezar û 500 kes pê mirine û 9 hezar kes jî tên dermankirin.
HOLLANDA
* Li welat 33 hezar û 400 kes bi şewbê ketine, 3 hezar û 750 kes pê mirine û 30 hezar jî tên dermankirin.
RÛSYA
* Li welat 47 hezar kes bi şewbê ketine û 400 kes jî pê mirine.
ÎRAN
* Li welat 83 hezar û 500 kes bi şewbê ketine û 5 hezar û 200 kes jî pê mirine.
