Rêveberiya Girtîgeha Tîpa L a Kalkandere ya Rîzeyê kovar û pirtûkên kurdî yên ji girtiyan re tên şandin, bi hincetên vala desteser dike û nade girtiyan
Rêveberiya Girtîgeha Tîpa L a Kalkandere ya Rîzeyê ku gelek caran bi binpêkirina mafan tê rojevê kovar û pirtûkên kurdî yên ji girtiyan re tên şandin, bi hincetên ku wergera wan tune ye û prapagandaya ‘rêxistinê’ hatiye kirin, desteser kirine û nade girtiyan.
Girtiyê bi navê Weysî Esen ku bi rêya telefonê bi malbata xwe re hevdîtin pêk anî, têkildarî mijarê agahî da û ragihand ku rêveberiya girtîgehê 5 hejmarên kovara Dilopê ku jê re hatine şandin, bi hinceta tê de propagandaya ‘rêxistinê’ hatiye kirin, nadê.
Esen destnîşan kir ku rêveberiya girtîgehê pirtûkên kurdî yên bi navê “Peyarek”, “Çend Xezal û Helbest”, “Gulistana Sîpan”, “Çîrokên Şoreşger” û hejmara 5’an a kovara “Folklora Kurdan” ku ji wan re hatine şandin jî bi hinceta ku wergêra wan tune ye nade wan.
