Navenda Nûçeyan |
Şevê din Wezareta Pêşmergeyan daxuyaniyek belav kiribû û îdîa kiribû ku komek gerîlayan êrîşê çekdarên wan ê li herêma Xelîfanê kirine. Lê çavkaniyên herêmî van îdîayên Wezareta Pêşmerge derewandin û ragihandin ku dema komek gerîla derbasê qadek din a xwe dibûn ketine kemîna çekdarên PDK’ê û hatine gulebarankirin.
Lê heya niha agahiyek zelal derbarê bûyerê de bidest neketiye û HPG jî hîn daxuyanî nedaye.
Piştî bihîstina bûyerê bikarhênerên Twitterê bi armanca şermezarkirina êrîşên PDK’ê yên li dijî herêmên gerîla û hewldanên dorpêçkirina kampên gerîla û kemîn avêtina pêş hêzên gerîla, taga ‘KDPêdîBese’ vekirin.
Kurd bi tagê hevkariya PDK’ê ya bi dewleta tirk a dagirker re şermezar kirin û bang li desthilata PDK’ê kirin ku dest ji dijminahiya li kurdan berde.
Peyam zêdetir bi zimanê kurdî (Kurmancî), tirkî û îngilîzî hatin nivîsîn.
