Pêwîstiya çûyîna dûr û dirêj a dîrokê nake. Ji ber ku dîrokek zelal, pak, neveşartî li ber çavan li çiyayên Kurdistanê şerê ku di navbera keç û xortên ciwan ên Kurdan û enternasyonalan û leşkerên faşîst ya dewleta tirk a dagirker de derbas dibe, her tiştî ji me re pênase dike, ji me re tîne ber çavan.
Dîroka nêz em esas bigirin, ji ber ku taze ye hîn nehatî bîr kirinê. Artêşa faşîst a dewleta tirk a dagirker bi fermanê faşîstê şef Erdogan û hevparên wî ve di nîsana 2021’an de êrîşî çiyayên azad ên Kurdistanê Avaşîn, Metîna û Zapê kir. Li wan deweran hema bêje li her çiyayî li her girî li her rûbarî li her bin darekî de şopên, bîranînên, xwîna gerîlayan heye. Beriya wî jî ew dewerana her bûye warê parazvanê kurdên azad. Ji ber vê yekê çawa artêşa Tirk a faşîst êrîş kir, gerîllayan gulleya yekemîn li hewayê li wan xist. Hîn nehiştin siya dagirkeran jî bikeve axa wan li wan dan. Salên tê de tije şer, pevçûn û qehremantiyên dîrokî re li pey xwe hiştin. Dagirkeran bi riya ixanetkeran hinek cihan kom vedan lê şer û pevçûn hîn di van kêliyan de jî didome. Gerîla di şerê xwe de gavên nû avêt. Xwe nûjen kir. Di şêwe, tevger û tempoyên xwe de guhertin çêkir. Di erazî de bi tevger di tunelan de mevziyên şer ku hem karibin xwe biparêzin hem jî karibin derkevin û çalakî pêş bixin, ket meriyetê. Niha gerîlla hem li erazî hem jî di tunelên şer de parastin û çalakî li dar dixe.
Artêşa tirk a faşîst dîroka xwe qirêje. Komkujî tije ne. Bêcesaret e. Li hemberî gerila dema encam negirt. Bi piştgirî û rêbazdayîna NATO û dewletên kapîtalîst modernîte, çekên qexekirî û kîmyewî bi kar anî. Sûcên mirovî li ber çavê cîhanê kir, cîhan jê re kerr û lal ma. Lê gerîla li hemberî wê rêbazên parastinê esas girt. Raste sûcên mirovî ku hat kirin bi belge kir lê şerê xwe, parastin û çalakiyên xwe bi rê û rêbazên cûda pêş xist.
Niha keç û xortên ev axa pîroz soz didin ku wê dewleta tirk a dagirker li ser van axan bi çalakiyên xwe biavêjin. Gerîla soz dide û dike. Gerîlayên girê Amediyê, girê Cûdî dîsa hemû dewerên niha artêşa tirk a dagirker li wir e gerîla li ser serê wan e.
Dewleta tirk a dagirker, di dagirkeriya xwe ya Kurdistanê de sed saliya xwe tije kir, ket sed saliya xwe ya duyemîn lê hîn çawa ku roja yekem ku dema kurdan tune hesiband û dewleta xwe li ser vê tune hesibandinê avakir, ji wê rojê heta vê rojê berxwedan, serhildana kurdan her didome û wê her bidome. Di dîrokê de yek welat jî nîne ku di dagirkerî û mêtingeriyê de encam girtine. Tew li hemberî berxwedanê qet û qet serkeftî nîne. Ji ber vê yekê gerîla bi her lêdana xwe hucreyên jiyan dide dagirkeriyê tune dike, dawiya wê nêz dike.
