Navenda Nûçeyan |
Li Eyaleta Saksonyaya Jêr a Almanyayê ji bo protestokirina tecrîda girankirî ya li ser Rêberê Gelê Kurd Abdullah Ocalan û Komploya Navneteweyî ya di 15’ê Sibatê, meşa dirêj a ji bo 3 rojan hate destpêkirin.
Meşa îro dê ji Langenhagenê heta Hannoverê bi qasî 10 kîlometreyan bidome. Kurdistanî û dostên wan li pêşiya rawestgeha dawîn a gara tramwayhê kom bûn û beriya meşê daxuyaniyeke kurt dan. Li gel ku baran dibare jî 150 kes tev li meşê bûn.
Meşa li Saksonyayê jî dê sibê saet di 11.00’an de li pêşiya Laatzen Leîne Centerê dest pê bike. Tê payîn ku girse dê heta gara trênê ya Hannoverê bimeşe. Roja sêyemîn jî dê meş li pêşiya gara trêne ya Hannoverê bê destpêkirin û heta parlamentoya eyaletê bidome. Li pêşiya parlamentoyê dê mîtîngek bê lidarxistin û dosyayekê pêşkêşî parlamentoyê bikin.
Li Berlînê jî ji bo protestokirina komploya navneteweyî meşa dirêj a 2 rojan li Kreûzber-Kottbûser Torê dest pê kir. Girse bi dirûşma ‘Bijî Serok Apo’ dimeşe.
Komîteya Amadekar banga tevlêbûna meşê kir.
