Lajê Wekîla Partîya Demokratîke ya Şaran (HDP) Huda Kaya Muhammed Cîhad Cemre 25ê hezîrane de bi îdîaya ‘îdarekaranê PKKyî reyde fotografî antî’ Çanakale de amebi destbendkerdene û bado ke di rojanê nezaratî bi şertê kontrolê edlîyî amebi veradayene. Cîhad Cemre badê îtîrazê dozgerîye vizêr hêna ame destbendkerdene û Dadgerîya Cezaya Sulhî ya Nobetdare de ame tepiştene û şawîya zîndan.
Huda Kaya bado ke lajê ci ame tepiştene hesabê xo yê medyaya sanale ra wina mesajêk pare kerd: ”Lajê mi nê îdîayan ra bi serran verî berat kerdbi û di rojî verê cu zî bi şertê kontrolê edlîyî amebi veradayene. Biney cuwa ver bi qerarê tepiştişî yê dozgerî gama ke bostan de xebityayêne hêna ame girewtene û berdene. Nêzdî yo ke huqûqê hêzdaran de nê wextê huqûqê hêzdarî de ma zaliman ra hesab bipersê.”
