Wezîrê Karê Zerre yê Rûsya Sergey Lavrovî seba mutabakatê Soçî wina va: “Babeta ameyoxê kurdanê Sûrîye herinda ke mîyanê aktîvîteyanê leşkerî de bêra qiseykerdene û seba ke na babete mîyanê asayîşî de bêra pêkerdene, ma şert û mercan awan kerd.”
Wezîrê Karê Zerre yê Rûsya Sergey Lavrovî televîzyonê Rossiya-24 de qisey kerd û bale ant mutabakatê Rûsya û Tirkîya yê serê vakur û rojhelatê Sûrîye ke Soçî de pêkerdî ser. Lavrovî seba mutabakatîwina va: “Babeta ameyoxê kurdanê Sûrîye herinda ke mîyanê aktîvîteyanê leşkerî de bêra qiseykerdene û seba ke na babete mîyanê asayîşî de bêra pêkerdene, ma şert û mercan awan kerd.”
Lavrovî dewamê qiseykerdişanê xo de wina va: “Şima nêeşkenê problemê kurdî ra biremî. Problemo ke qala ci yeno kerdene, krîzê Sûrîyeye de vejîya werte û bî problemêk pêroyî. Kurdê ke Iraq de cuyenî estî, kurdê ke Îran de cuyenî est û qet şik çin o ke xeylê kurdê ke Tirkîya de cuyenî estî. Kesêk nêwazeno ke nê herêman û welatan de pêkewtiş bivirazî. Êdî kes nêwazeno ke kurdî xo sey merdimê cînê diyîn hîs bikerî.”
