Leşker û çeteyê dewleta tirkî ya dagirkere depoyê xele û cewî yê Girê Spî de dizdî kerdî. Ame zanayene ke hêzê dagirkerî zêdeyê 48 hezar û 400 ton cew û xele diznayî
Artêşa tirkî ya dagirkere û çeteyê aye herême ke dagir kerdî de kerdoxanê xo yê teberê qanûnî domnenî. Hêzê dagirkerî heme merkezanê xizmetdayîşî, dikan, keye û milkê sivîlan desteser kenî û talan kenî. derheqê babeta depoyê xele yê Girê Spî de Şêx Mihemed Ebdo qisey kerd û ard ziwan ke artêşa tirkî ya dagirkere û çeteyê DAIŞî yê girêdayeyê aye depoyê El Dehlîzî yê rojhelatê bajarokê Silûkê ra 11 hezar 400 ton xele û depoyê xele yê El Sexratî yê başûrê Girê Spî ra zî 11 hezar ton xele diznayî.
Ame zanayene ke depoyê pikerde nîmeyê şewe de ameyî talankerdene. Çeteyan berpirsîyarê depoyan Şêx Mihemed Ebdoyî û keyeyê ci bi kiştişî tehdît kerdî û dima ra keyeyê ci veşênayî. Ebdo dîyar kerd ke no qeyde artêşa tirkî ya dagirkere û çeteyê girêdayeyê aye roja destpêkerdişê hêrişanê dagirkerîye de Girê Spî ra zêdeyê 48 hezar û 400 ton cew û xele yê Girê Spî diznayî. Ebdo qiseykerdişê xo de va: “Çeteyan nizdîyê depoyê El Dehlîzî yê rojhelatê bajarokê Silûkî de rayîrêko taybet akerdî ke bi asanî xele bidiznî û bibî Tirkîya. GIRÊ SPÎ
