Leşkerên artêşa tirk a dagirker û çeteyên wê li gundê Dadata yê Girê Spî ku piraniya şêniyên wê tirkmen in, komkujî pêk anî. Hat zanîn ku dagirkeran gelek şêniyên gund kuştin û yên din jî xistin girtîgeha ku li gund ava kirin
Artêşa tirk dagirker û komên çete yên girêdayî wê êrîşên xwe yên qirkirinê yên li dijî rojavayê Kurdistanê didomînin. Dewleta tirk a ku ‘agirbest’ binpê kir, bênavber herêmên sivîlan hedef digirin û gel di qirkirinê re derbas dikin.
Li gorî agahiyên ji çavkaniyên herêmê, artêşa tirk a dagirker û çeteyên wê li gundê Dadata yê ku li rojhilatê Girê Spî ku piraniya şêniyên wê tirkmen in, komkujî pêk anî. Çavkaniyan da zanîn ku çeteyên dewleta tirk gelek şêniyên gund qetil kirin û li gund veşartin.
Çavkaniyan ragihand ku komên çete li gund girtîgehek ava kir û sivîlên li wî gundî û gundên derdorê digirin jî dixin vê girtîgehê. Çavkaniyan diyar kir ku hêzên dagirker şêniyên gundê Um Kabir (El-Deîf) ê li bakurê navçeya Eyn Îsayê jî neçarî koçberiyê kirin û piştre jî dest danîn ser milkên wan. GIRÊ SPÎ
