Leşkeran bi ser gundê Adaksû yê Navçeya Milazgîrê yê Mûşê de girtin û 26 kes binçav kirin
Leşkerên tirk serê sibê bi ser gundê Adaksû yê Navçeya Milazgîrê yê Mûşê de girtin. Leşkeran di serdegirtina gund de 26 welatî binçav kirin. Leşkerên bi ser gund de girtin, li malan lêgerîn kirin û alavên malan tev li hev kirin. Leşkeran 26 kesên binçav kirin birin Fermandariya Cendirmeyan a Navçeya Milazgîrê. Hat diyar kirin ku 8 kesên der barê wan de biryara binçav kirinê hebû jî ji ber ku ne li mal bûn nehatin binçavkirin. Kesên hatin binçav kirin navê wan wiha ye: “Abdulsamet Barişan, Fahrettîn Barişan, Kamuran Bariş, Mehmet Barişer, Cesîm Îvak, Murat Îvak, Maşallah Bariş, M. Saît Ozdemîr, Îsmet Uzundemîr, Hîkmet Yildirim, Diyadîn Yaşli, Ahmet Ongun, Kudbettîn Ersonmez, Îshak Îlhan, Kamuran Gul, Selîm Sonmez, M. Saît Ozgoren, Hîkmet Subaşi, Fahrettîn Demîrelî, Giyasettîn Boztepe, Burhan Gonul, Ayhan Yabansi, Sedat Çapan, Behçet Acar 2 kesên navên wan nehat hînbûn.” MÛŞ
