Di 2’yê nîsanê de artêşa tirk a dagirker li gundê Ûranîs ê navçeya Tetwanê ya Bedlîsê derket operasyonê û di navbera hêzên HPG’ê û leşkeran de şerekî dijwar rû da. Di şer de serbazek û 2 cerdevan hatin kuştin û 7 leşker jî birîndar bûn. Hat diyarkirin ku di vî şerî de 3 HPG’iyan jî jiyana xwe ji dest daye. Cenazeyê her sê HPG’iyan rakirin morga Nexweşxaneya Dewletê ya Tetwanê. Malbata Abdulhadî Atmeca yê HPG’î duh çû Tetwanê cenazeyê kurê xwe girt û anîn li gundê Kurerê yê navçeya Hezoyê ya Êlihê veşart.
Leşkeran gundê ku Abdulhadî Atmeca yê HPG’î ku li Tetwanê şehîd bibû lê hat veşartin dorpêç kirin û destûr nedan mele ji bo Atmeca vecîbeyên olî pêk bîne.
Leşkeran beriya anîna cenaze goristana gund dorpêç kirin û nehiştin ku kepçeya ji bo vedana gora Atmeca hatibû gund gorê vede. Her wiha leşkeran destûr neda ku melê gund ji bo Atmeca vecîbeyên olî jî pêk bîne. Leşkeran kesên ji derveyî gund ku xwestin ji bo merasîma cenazeyê Atmeca bên gund jî di Lêgerîna Agahiyên Giştî (GBT) re derbas kirin û nehiştin ku bikevin gund.
Ji bo veşartina cenaze tenê destûr dan 2 kesan
Ji bo veşartina cenazeyê Atmeca tenê ji bo 2 kesan destûr hat dayîn ku derbasî goristanê bibin.
Hat diyarkirin ku leşkeran gef li malbata Atmeca xwariye û ji wan xwestiye ku şînê ji bo kurê xwe daneynin. ÊLIH
