Hat diyarkirin ku li gundê Koperî yê navçeya Bismilê, fermandarê qereqolê “dengên vekirî” li gundiyan ferz kiriye, gef li gundiyan xwariye û gotiye: “Hûn ê dengê xwe tenê bidin cihekî. An jê ez ê ji dêvla we raya we bi kar bînim.”
Hat ragihandin ku duh bi şev fermandarê qereqolê çûye gundê Koperî yê Bismila Amedê û “dengên vekirî” li gundiyan ferz kiriye û xwestiye ji dêvla gundiyan ew dengên hilbijêrên gund bi kar bîne.
Şêniyekî gund û peywirdarê sindoqa gund ku ji ber ewlehiyê nexwest navê wî bê aşkerekirin, ragihand ku fermandarê qereqolê hatiye gund, “dengên vekirî” li gundiyan ferz kiriye. Şêniyê gund, ragihand ku fermandarê qereqolê gotiye bila sibê şêniyên gund neyên ser sindoqê, ew ê serê sibehê zû bên gund û ew ê ji dêvla gundiyan dengê wan bi kar bînin û gotiye: “Hûn ê dengê xwe tenê bidin cihekî. An jê ez ê ji dêvla we raya we bi kar bînim. 4-5 meh in ez li vira me. Lê hûn tim li vira ne.” AMED
