Taxa Davanî ya qezaya Çaldiranî ya Wanî de Orhan Hanay guleyanê leşkeran ê tirkan ra birîndar bi.
Hanay vizêr saete 19.00 de seba ke pezê xo biaçarno şi nêzdîyê baregehê leşkeran ê tirkan. Leşkeranê tirkan guleyî verdayî Hanay ser û o birîndar kerd. Keyeyê ci Orhan berd Nêweşxaneyê Dewlete yê Çaldiranî û tedawî ra dima neweşxane ra vet.
Kekê ey Mustafa Hanayî vat: ”Pezê ma tim şino uca. Eke nêro ma şinê anê. Vizêr zî pezê ma şibi. Birayê mi zî şibi ke pez bîyaro.” WAN
