Gerîlaya HPG’ê Şehnaz Okşamak di 25’ê Îlona 2020’î de li başûrê Kurdistanê di êrîşa hewayî de şehîd ketibû. Ji bo bîranîna Şehnaz Okşamak li gundê Mîreliya yê navçeya Farqînê ya Amedê malbatê konê sersaxiyê danî. Malbata Okşamak bi 17’ê Nîsanê re hem bi rêya telefonê hem jî serdana li ber malê ya ji bo sersaxiyê qebûl kir. Li qadeke vekirî kursî hate danîn û bi vî rengî serdanên sersaxiyê hatin qebûlkirin. Lê belê 20’ê Nîsanê saet di 13:00 de leşkerên tirk avêtin ser konê sersaxiyê. Leşker bi wesayitên zirxî ketin nava taxê û îfadeya F.O., U.O., M.A., S.O. wergirt.
Li gorî agahiyan leşkeran heqaret li ferdên malbatê kirin û fermandarê qereqola jendermeyan jî bi gotina “Li vir eger dîkek hebe ew jî ez im, yekî biaxive ew jî ez im.”
Leşkeran piştre kursî kom kirin, xistin qemyonekê û birin qereqolê. Piştî 2 saetan kursî vegerandin û bi şertê ku daneynin ber malê radestî malbatê kirin.
Her wiha ji taxê bang li 5 kesan kir ku li qereqola jendermeyan îfadeyê bidin. Bi îdiaya ku tedbîrên şewbê binpê kirine bi giştî 7 hezar TL cezayê pere li 5 kesan birîn. AMED
