Li gundê Mûşiyan a girêdayî navçeya Tûtakê di pevçûna ku piştî êrîşa leşkerên tirk de Mûrat Kaya hate qetilkirin
Duh di saetên sibehê li gundê Sogukpinarê (Mûşiyan) ya girêdayî navçeya Tûtak a Agiriyê de leşkerên tirk operasyonek dabûn destpêkirin, di pevçûna piştî operasyonê de kesê bi navê Mûrat Kaya ku bavê 3 zarokan e hate qetilkirin. Hate zanîn ku li gund 10 kes hatine binçavkirin û kesê bi navê Cemal Aksoy jî birîndar bûye û wî rakirine nexweşxaneya lêkolînê ya Wanê. Her wiha hate gotin ku leşkerên tirk îşkence li gelek gundiyan kirine.
Mehzer Yalçin yê ku birayê Mûrat Kaya yê hatiye qetilkirin e, diyar kir ku leşkerê tirk di saetên sibehê ketin nava gund û ji bo bizanin ka çi bûye derketiye derve û wexta ku ji bo rewşê bizan be nêzîkê leşkeran bûye dengê çekan hatiye û wiha got: “Dema panîk çêbû me dest bi revê kir. Wê demê birayê min nêzî cihê bûyerê bû. Ew jî weke me mereq kiribû ka çi bûye lewre bi şimikan derketibû derve. Birayê min ê din Fettah Yalçin jî binçav kirin. Em niha nizanin ka birayê min li ku derê tê girtin. Ji me re nabêjin. Dema diçin qereqolê jî leşker bera me didin. Bi dehan gundî ku di nav de jin jî hene binçavkirin. Piştî bûyerê hemû jin, mêr û ciwanên gund li dibistanê komkirin. Piştre jî me berdan. Bi dehan gundî jî binçavkirin. Birayê min Mûrat tu sûcekî wî tunebû.” AGIRÎ
