Hêzên artêşa tirk bi ser gundê Zengê yê Liceyê de girt. Di serdegirtinê de leşkeran di gelek axuran de lêgerîn kirin û rojek piştre jî ji gund derketin
Leşkerên artêşa tirk duh di sanê sibehê de bi ser gundê Zengê yê navçeya Licê ya Amedê de girt. Li gorî agahiyên ji çavkaniyên herêmê, leşkeran di gelek axurên sewalan de lêgerîn kirin.
Hat zanîn ku lêgerîna li gund rojekê berdewam kir û piştî ku lêgerîn bi dawî bû jî leşker ji gund derketin. Di serdegirtinê de kes nehate binçavkirin.
Hêjayî bibîrxistinê ye ku hêzên artêşa tirk di demên dawî de li gelek bajarên bakurê Kurdistanê bi ser gundan de digirin û bi sedan kes binçavkirin. Her wiha herî dawî di dema serdegirtina gundê Mûşiyan ê Dutax a Agiriyê de welatiyê bi navê Mûrat Kaya hatibû qetilkirin. AMED
