Êrîşên dewleta tirk a dagirker ên li ser xaka başûrê Kurdistanê li gel bêdengiya hikûmetên başûrê Kurdistanê û Iraqê dewam dikin.
Tevî êrîşan di demên dawî de leşkerên dewleta tirk dagirker dikevin nava gundan û xelkê di nav mala wan de jî direvînin.
Li gorî nûçeya Rojnewsê, leşkerên tirk derdora gundê Dayla yê girêdayî herêma Biradostê ya bi ser Hewlêrê dorpêç kirine.
Hat ragihandin ku leşker nahêlin kes ji malên xwe derbikevin, kesên derdikevin jî êrîşî wan dikin, an jî gefê li wan dixwin ku dê birevînin. Leşker nahêlin kes bi hewara sewalên xwe jî biçin û gund bi giştî xistine bin dorpêçê.
Di 31’ê kanûna 2021’ê de leşkerên dewleta tirk 2 ciwanên bi navê Ekrem Xelîl Zikrî û Zêdan Nebî Mistefa ên xelkê gundê Dayla yê ser bi bajarokê Sîdekanê revandin. Dewleta tirk her du ciwan birin Tirkiyeyê. Aqûbeta herdu ciwanan hîn nayê zanîn û rayedarên başûrê Kurdistanê hîn xwe kerr dikin. HEWLÊR
