Hemsereka KCDyî û Parlamentera HDPyî Leyla Guvene Meclîsî de sond werde û dest bi xebatanê xo kerde
Hemsereka Kongreya Komela Demokratîke (KCD) û Parlamentera Partîya Demokratîke ya Şaran (HDP) ya Colemêrgî Leyla Guvene badê serrîyêk ewro Heyetê Pêroyî yê Meclîsî de sond werde.
Guvene badê qiseykerdişanê teberê rojeve vejîya kursî û sondê parlementerîye werde. Parlementerê HDPyî û CHPyî badê sondwerdişê Guven çepkan kutî. Guvene sondwerdişê x ora dima do bieşka xebatanê Heyetê Pêroyî yê Meclîsî tapîp bikera û biba endama komîsyonî.
Leyla Guvene seba wedarnayîşê tecrîdo girankerde yê serê Rayberê PKKyî Abdullah Ocalanî Zîndanê Amedî de kewtbî grevê vêşanîye û roja 79. yê grevî de ameybî tehlîyekerdene û keyeyê xo de çalakîya xo domnabî. Guvene badê 200 rojan yê grevê vêşanîye bi vengdayîşê Abdullah Ocalanî grevê xo peynî kerdbî
Leyla Guvene 24ê hezîrane de sey parlamentere ameybî weçînayene. Badê grevê vêşanîye Leyla Guvene nêweşxane de ameye tedawîkerdene û dima ra ameye taburcukerdene. ANQARA
