Vengdayîşê Ocalanî ra dima parlameterê HDPyî yê ke grevê vêşanîye de yê mesajê Guvene eşkera kerd. Guvene da zanayene ke a çalakîya xo qedînena û vat ke ganî peynîya nê mucadeleyî aşitîyêka bi anore bo
Vendayîşê Rayberê Şarê Kurdî Abdullah Ocalanî yê ‘Grevê vêşanîye resayî waştişê xo, ez pawena ke çalakîyê bêrê qedînayene’ ra dima parlamenterê Partîya Demokratîke ya Şaran (HDP) ke grevê vêşanîye de mesajê Leyla Guvena ke 200 rojî yo grevê vêşanîye de ya pare kerd.
Guvene da zanayene ke xoverdayîş resayo waştişê xo û va: “Ez ewro ra tepîya çalakîya xo qedînena. La xoverdayîşê ma yê vera tecrîdî û mucadeleyê aşitîye do her ca de dewam bikero. Ganî peynîya nê mucadeleyî aşitîyêka bi anore bo.” AMED
