Rêveberiya Girtîgeha Tîpa T ya Şakranê bi hinceta ku girtiyan êrîşên dewleta tirk û çeteyên wê yên li dijî rojavayê Kurdistanê şermezar kirin, li 57 girtiyan ji bo 11 rojan cezayê hucreyê birî
Li Girtîgeha Tîpa T ya Şakran a Îzmirê 57 girtiyên ku êrîşên dewleta tirk û komên çete yên girêdayî wê yên li dijî rojavayê Kurdistanê şermezar kirin, rastî cezayê hucreyê hatin. Rêveberiya girtîgehê li her girtiyekî 11 roj cezayê hucreyê birî û der barê wan de lêpirsîn da destpêkirin.
Ji girtiyên rastî cezayê hucreyê hatin Huseyin Çig têkildarî mijarê agahî da malbata xwe. Dayika Cih, Fatma Çig anî ziman ku girtiyan ji ber êrîşên li ser rojavayê Kurdistanê şermezar kirine û wiha got: “Ji ber vê yekê jî rêveberiya girtîgehê cezayê hucreyê li 57 girtiyan birî. Zarokên me li dijî zilmê bertekên xwe anîne ziman û şermezar kirin. Ji ber vê yekê jî li her yekî 11 roj cezayê hucreyê hatiye birîn.” EDENE
