Li Afrîkaya Başûr, jin ji bo şermezarkirina tundiyên li ser jinan û tecawizan her roj çalakiyan pêk tînin
Li Afrîkaya Başûr çalakiyên piştî qetilkirina xwendekara lîseyê û zanîngehê û her wiha bûyerên tecawiz û tacizan hatine destpêkirin, her diçin mezin dibin. Jinan derveyî çalakiyên li kolanan ji bo balkişandina tundiya li ser jinan û tecawizan li ser medyayên civakî etîketa bi navê #AmINext (SıraBendeMi) kampanya dan destpêkirin. Piştgiriya ji bo kampanayaya jinan her diçe mezin dibe.
Li gorî nûçeya BBC Tirkî serokkomarê Afrîkaya Başûr Cyril Ramphoso ragihandiye ku ji bo çareserkirina van pirsgirêkan dê hîn tedbîran bistînin. Parvekirina qeydin kesên ku sûcên bi vî rengî kirine û zêdekirina dadgehên taybet ên li doza tecawiz û tacîzan dinêrin, di nav van tedbîran de ye.
Bûyerên êrîşên ku ji meha tebaxê ve hatine jiyîn wiha ne:
- Xwendekara lîseyê piştî tecawizkirinê hat qetilkirin. Têkildarê bûyerê heta niha kes nehatiye girtin.
- Xebatkarê postaneyê, tecawizê xwendekara pola yekemîn a beşa sînema û medyayê U.M kir. Xebatkarê postaneyê hat girtin.
- Xwendakara polâ yekemîn a Fakûlteya Teolojiyê J.H. di nav cihê xwe de û kalê wê jî di tuwaletê de bi awayekî guman jiyana xwe ji dest dan. Heta niha derbarê bûyerê de tu kes nehatiye girtin.
- Polîsek mêr hevala xwe ya berê Leghandre ‘Bayb Lee’ Jengelsê qetil kir. Mêrê kujer dema xwest ji cihê bûyerê bireve, qezaya trafîkê derbas kir û mir.
- Cenazeya performansvana şovê Meghan Cremer bi awayekî qetilkirî di nav goncalekî de hat dîtin. Derbarê bûyerê de sê kes hatin girtin.
- Cenazeya Lynette Volschenk ku laşê wê bi awayekî xirabbûyî hat dîtin. Kesek hat girtin.
