Di serî de paytext Berlîn li gelek bajaran Almanya li dijî zêdebûna kirê bi hezaran kes meşiyan
Li paytexta Almanya Berlînê, roja şemiyê bi hezaran kes ji Alexanderplatzê heta Kreuzbergê meşiyan. Organîzatoran bang kirin ku ji bo Şaredariya Berlînê şîrketên avahiyan ên bi hezaran avahiyên wan hene bike malê cemaweriyê, referandûm bê kirin. Li bajarên Munchen, Koln, Frankfurt, Gottingen, Freiburg, Stuttgart û Mannheimê jî çalakiyên protestoyî hatin lidarxistin.
Li Berlînê di nava deh salên dawî de buhayê kirê bi du qatan zêde bû. Şêniyên bajêr zêdeyî nîvê hatineya xwe didin kirê. Tê gotin ku ji sedî 80 yê şêniyên Berlînê di xaniyên kirê de ne. Ev pirsgirêk ne tenê li Berlînê heye, li gelemperiya Ewropayê heye. Li gorî çalakgeran, komên Deutsche Wohnen û Vonovia bi hezaran avahî li Berlînê kirîn û dan kirê. Sala 2018’an şîrketa Vonoviayê bi qasî ji sedî 4.2 buhayê kirê zêde kir. Nêzî 350 hezar avahî di destê vê şîrketê de hene. BERLÎN
