Li navenda Amedê polîsan di saetên serê sibê de bi ser mala Hevserokên Komeleya Çand, Yekitî, Piştevanî û Alîkariyê ya bi Malbatên Xizmên xwe di Dergûşa Şaristaniyê de Winda Kirin (MEBYA-DER) Yuksel Almas û Şeyhmûs Karadag, endamên MEBYA-DER’ê Zekî Dag, Ayşe Çelîkbîlek û Hatûn Aslan, Rêvebera Partiya Heremên Demokratîk (DBP) a Amedê Hatîce Guneş, Hevseroka Partiya Demokratîk a Gelan (HDP) a Navçeya Peyasê Hanim Altindag, rêveberê HDP’ê ya Navçeya Rezanê Fetûllah Işiktaş de girtin û ew kes di nav de gelek kes binçav kirin.
Hat diyarkirin ku polîsan di dema serdegirtinan de alavên malan belav kirine. Li aliyê din hat diyarkirin ku polîsan bi ser saziya MEBYA-DER’ê ya li navçeya Peyasê de girtine û niha jî lêgerîn lê didome. Polîsan kesên binçav kirin, birin Miduriyeta Polîsan a Amedê.
Tê gotin dibe ku hejmara binçavkirinan zêde bibe. AMED
