Navenda Nûçeyan |
Fermandariya Yekîneya Tolhildanê ya Şehîd Bedran Gundikremo bi daxuyaniyekê ragihand ku hêzên wan li dijî Qereqola Kanî Masiyê çalakî li dar xistine.
Yekîneyê da zanîn ku hêzên wan di 19’ê adarê saet derdorî 18:00’an de li dijî Qereqola Kanî Masî ya artêşa tirk a li Amêdiyê ya Dihokê çalakî pêk anîn û hûrgiliyên çalakiyê wiha parve kirin: “Yekîneya me kon, çeper û kozikên li qereqolê kirin hedef. Di encama çalakiyê de 6 leşker hatin kuştin û 4 jî birîndar bûn.”
‘Ger êrîş bidomin dê çalakî jî berdewam bikin’
Di berdewamê de jî hat destnîşankirin ku ev çalakî ji bo tolhildana êrîşên li dijî zarokên gelê kurd ên êzidî hatiye kirin. Daxuyanî wiha bi dawî bû: “Heta ku êrîşên dewleta TC’ê ya faşîst-mêtinger a li ser sivîlên Şengalê dom bike, dê bersiva yekîneyên me bidome û wê çalakiyên wiha tolhildanê bidomin.”
