Fosîlê dînozorê ji cûreyê Titanosaur ku stûyê xwe dirêj e, li herêma Neuquen ê Arjantînê hat dîtin. Lêkolîneran 24 parçeyên movikê dîtin û diyar kirin ku dînozorê navborî gelekî mezin e.
Ji Zanîngeha Rio Grande do Norte Aline Ghilardi ku yek ji endamên tîma lêkolînê ye, bi daxuyaniyekê ragihand ku bi lêkolînkirina van hestiyan re dê pêvajoya guherîn û pêşketina dînozoran bêhtir bê fêhmkirin.
Di rapora lêkolînê ya tîma navborî de hat ragihandin ku hestiyên hatine dîtin ji bermahiyên fosîlên beriya niha hatine dîtin gelekî cuda ye û hat destnîşankirin ku dibe ku cûreyekî nû yê Titatnosaur hatibe keşifkirin.
Tê texmînkirin ku ev dînozor beriya 98 milyon salî sax bû. Her wiha tê gotin ku dînozorê fosîlê wî hatiye dîtin, ji Patagotitan gelekî mezintir e ku Patagotitan heta niha weke dînozorê herî mezin dihat dîtin. BERLÎN
